Pendidikan Gratis

Assalamu’alaikum Wr.Wb

Tabik pun

Sai sikam hormati bapak ibu guru

Puji syukur gham panjatkan kehadirat Allah SWT sai ghadeu ngeneiken rahmat jamo karunia-No sehingga gham dapek bekuppul jamo-jamo di pek ijo.

Dilem kesempatan ijo sikam ago nigehken pidato tentang pendidikan gratis. Selawak sikam nigehken, sikam ago memperkenalken dighei sikam, namo sikam Astri Damayanti sikam anjak SMA Negeri  1 Kutobumei.

Perlu gham ketahui, pendidikan iyolah asset petting bagi masing-masing individu. Ulah jamo pendidikan sai wawai gham dapek ngewawaiken ughik, wawai ughik di ekonomi ataupun ughik besosial di masyarakat.

                Namun guwai nigehken standar sai wawai, layenlah mudah. Ulah mak unyen kalangan masyarakat ngemik kemampuan dilem pembiayaan pendidikan. Alhamdulillah gham syukuri jamo-jamo, kepedulian pemerintah pusat jamo daerah akan pettingno pendidikan sangat ngebanteu kalangan sai mak mampeu. Jamo program pendidikan gratis sai dicanangkan jamo diterapken di Kabupaten Lampung Utara khususno, sangat ngebanteu siswa berprestasei anjak keluarga sai mak mampeu guwai nutuk pendidikan sai setaro jamo sai baghih, sehingga masa depan  gham jauh lebih wawai ulah ditunjang pendidikan sai memadai.

                Guwai ino gham harus ngemanfaatken kesempatan besekulah jamo berprestasei sewawai-wawaino, sebagai wujud raso syukur gham atas kepedulian pemerintah jamo gham terutama di bidang pendidikan. Jamo pendidikan gratis gham berkesempatan menempuh pendidikan sai layak jamo dapek ngewujudken harapan cito-cito ulun tuho dan harapan bangsa dilem ngelaksanaken tekad sai tercantum dilem UUD.

Hadirin sai sikam hormati

Mudah-mudahan jamo watno kesinambungan pemerintah jamo masyarakat dapek ngewujudken cito-cito gham jejamo.

Demikian sai dapek sikam tigehken, semoga dapek menjadei motivasi gham jamo-jamo.

Lamen wat kesalahan jamo kekurangan sikam kilui mahap, jamo Tuhan sikam kilui ampun.

Sikam akhiri wabillahitaufik walhidayah wassalamu’alaikum Wr.Wb